فضلت كتير اقول يمكن
و بتمنى ان انا اتمكن
من الدنيا و احوالها
و اسيطر .. ابطل اتمسكن
لكن باين ماهوش ممكن
ولا يمكن اعيش و اسكن
في دنيا حالها ما هو ثابت
و غدرها ما لو مسكن
.......
يا ريت اكون طير او عصفور
اطير و اغرد .. اعدى السور
بس الحكاية ماهيش سهله
و عايزالها ييجي ميت باسبور
يا عم بقي ما تعيش مستور
و اتعنطظ .. خليك مغرور
و سيبك من كل الحكايات
خليهم يقولو عايش في الدور
......
تجيش اقولك حاجه سهله
لا عايزة تعب ولا مستاهله
هى الحياة ماشية و دايره
ماتوقفش ولو حتى لوهله
................. آه ولا وهله !!!
No comments:
Post a Comment